Select an Image

header photo

کنفرانس

٥- جی کنفرانسین تشکیلی

آذربایجان رسپوبلیکاسیندا یاشایان ایرانلی مهاجرلر جمعیتی

٥- جی کنفرانس ٩ نویابر ٢٠١٣ – جو ایل (١٨آبان ١٣٩٢- جی ایل) آذربایجان رسپوبلیکاسینین باکی شهرینده یاشابان یاشایان ایرانلی مهاجرلر جمعیتینین مرکزی کمته سینده مفقیتله کچیریلدی.

کنفرانسی ایرانلی مهاجرلر جمعیتینین صدری امیرعلی لاهرودی یولداش آچدی. اجرائیه هیئتی سچیلدیکدن سونرا کنفرانس ئوز ایشینه باشلادی. باشلانقیجدا لاهرودی یولداش کئچن ٤ ایلده جمعیتین گوردویو ایشلردن خبر چاتدیردی. کنفرانس کیچن ٤ ایلده گورولن ایشلری مثبت قیمتلندیردی.

سونرا جمعیت نماینده لرینه ئوز پلان و تکلیفلرینه نظارتی داها چوخ فعالیقلا مشغول المالاری تاپشیریلدی. تکلیفلر آراسیندا جمعیت نماینده لرینه رسپوبلیکانین مختلف شهرلرینده و رایونلاریندا سیاسی، مدنی، کتاب نشرلری، ینی مهاجر قزئتینین بوراخیلماسی ایشلرینه داها چوخ فعالیت گوسترمه لری تاپشیریلدی. بوتون تکلیفلردن سونرا حاضرکی کنفرانسدا ایرانلی مهاجرلر جمعیتینین صدری لاهرودی یولداش سیچیلدی. عینی حالدا جمعیتین شورا عذولریده سیچیلدی. کنفرانسدا جمعیتین صدرینین گوستریشیله قطعنامه اوخوندو و کافی قیمتلندیریلدی. بونونلادا کنفرانس ئوز ایشینی باشا چاتدیردی.

١٨آبان ١٣٩٢

٩نویابر ٢٠١٣ 

 

حسابات معروضه سی

ایرانلی مهاجرلر جمعیتینین ایکی کنفرانس آراسیندا (٧ نویابر ٢٠٠٩ – جو ایل تاریخدن ٩ نویابر ٢٠١٣- جو ایل تاریخه دک) اولان مدتده گورولموش ایشلر باره ده معلومات.

حرمتلی کنفرانس ایشتیراکچیلاری کیچن ٤- جو کنفرانسدان سونرا مهاجرلر جمعیتی اجرائیه هیئتی ایشله مک ایچون ئوزونون ایش پلانینی و ایش قرافیکینی ترتیب ایده رک اونون اساسیندا ایشله میه باشلامیشدیر. بئله کی، هر آیدا اجرائیه هیئتینین نوبتی اجلاسلاری تشکیل ایدیلمکله هر ٦ آیدا بیر دفه شورا اجلاسینی تشکیل ایتمیشدیر. ائله جه ده لازم گلدیکده فووقالاده اجلاسلار چاغیرماقلا لازمی مسئله لر مذاکره ایدیلمیشدیر. بونونلا یاناشی هر ایل مهاجرلر جمعیتی ١٢ شهریور گونو ایله، ٢١  آذرین ایلدونومو ایله علاقه دار و ائله جه ده ملی بایرامیمیز اولان نوروز بایرامی ایله علاقه دار تشکیل ایدیلمیش، ایشغال اولونموش رایونلارین ایلدونوملری ایله علاقه دار آنیم ییغینجاقلاری کیچیریلمیشدیر. بو مدتده مطبوعات ایشی ایله علاقه دار گنیش و اطرافلی ایشلر گورولموشدور. بئله کی، بیر نئچه دفه مرکزی ش.رانین صدری ایله یرلی ژورنالیستلرین گوروشو تشکیل ایدیلمیش اوندان یعنی صدردن موصاحبه لر گوتورولرک مختلف قزئتلرده مقاله لر درج اولوناراق اوخونماق ایچون جمعیت عذولرینه چاتدیریلمیشدیر. عمومیتله جمعیتین مطبوعات ساحه سی و.ز ایشلرینی یوکسک سویه ده قوراراق داخلده، خارجده ائله جه ده وطنیمیز ایراندا دا اوخونماق ایچون فارس دیلینده قزئتده مقاله لر درج ایدیلمیشدیر.

قزئتلرده یولداشلاریمیز فعال ایشتیراک ایدرک مختلف ساحه ده مقاله لر درج ایتدیرمیش، شاعرلریمیز ئوز شئرلریله قزئت صحفه لرینی بزه میشلر. بئله یازارلاریمیزدان بهروز شکوری، عارف صفا، تارئیل امید، خشگنابی، احمد شیبانینین قیزی فرحناز خانم شیبانینی گوسترمک اولار.

حسابات دورونده مهاجرلرله علاقه ساخلانیراراق اونلارین احتیاجلارینین ئوده نیلمه سی ایچون لازمی مکتوبلار یازیلمیشدیر. جمعیت عذولریمیز ئوز یاشاییشلارینی یاخشیلاشدیرماق ایچون تورپاق ساحه لاری  آلاراق اورادا ئوزلری ایچون شرایط یاراتماغا چالیشیرلار. بو ایشده جمعیتیمیز ده ئوز کومه یینی اسیرگه مه میشدیر. کنفرانس ایشتیراکچیلاری سووه ت اتفاقی داغیلدیقدان سونرا جمعیت ئوز فعالیتینی ینه ده دوام ایتدیرمه یه باشلامیشدیر. یعنی ٦٧ – ایل عرزینده بورادا یاشایارکن حیاتیمیزده چوخلو دییشیکلیکلر باش ویرمیشدیر. بئله کی، یاشلیلار عمرونو باشا وورموش ینی نسل یعنی گنجلر بورادا دوغولموشدور. یاشلی یولداشلاردان آز مقداردا قازاخ، گنجه، قوبا، آغدام، شیروان، شاماخی، خاچماز و دیگر رایونلاردا قالمیشدیر.

حرمتلی کنفرانس ایشتیراکچیلاری ینی یتمه گنجلریمیز ئوز وطنلرینه گیدیب – گلمک ایچون، ائله جه ده دایمی یاشاماق ایچون چتینلیک چکیرلر. اونا گوره کی، ایران دولتی اونلارین ایش و ائوله تأمین اولونماسی ایچون هیچ بیر کومکلیک گوسترمه یی ئوهده سینه گوتورمور. بونولا علاقه دار جمعیت ١٩٦٠ – جی ایلده ایرانین رسمی دایره لرینه مراجعت ایتمیشدیر. وطنداشلاریمیز ئوز وطنلرینه گیدیب سربست یاشاسینلار. بونا جواب اولاراق ایرانین رسمی دایره لریندن جواب گلدی کی، مهاجرلرین کوتلوی شکیلده ایرانا قایتمالارینا امکان یوخدور. اونلار تک – تک مراجعت ایدندن سونرا اولارین ایشینه باخیلاجادیر. بئله اولدوقدا بیزیم ایرانا کوتلوی صورتده قاییدیب یاشاماغیمیز بیر داها چتینلشدی. اودور کی، یولداشلاریمیز بورادا ئوزلری ایچون شرایط یاراتماغا باشلاماغا چالیشیرلار.

معلومونوز اولسون کی، بو گون وطنیمیز ایراندا ٤ میلیونا یاخین ایشسیز وار. ب.نا گوره ده ایرانا گیدیب اورادا ایشله مک و یاشاماق آسان دییلدیر. حرمتلی کنفرانس ایشتیراکچیلاری کیچن دورده ایراندا حاکمیت جدی چتینلیکلرله اوزله شیب، اقتصادی وضعیت پیسله شیب. آزادلیق یوخدور. ملی آزلیقلار رسمی صورتده تانینمیرلار، حقوقلاری پوزولور. بونا گوره ده سون وقتلر سیاسی آزلیقلار مانعچیلیک توره دنلرین علیه نه ضیالیلار، طلبه لر، فحله لر آراسیندا ناراضیلیق چوخالیر. ایران جمعیتی بو چتینلییه قارشی مبارزه آپاریرلار. بیزلرده همین سویداشلاریمیزی دستکله ییرک اونلارین فکرلیرینه شریک چیخیریق. بوتون بونلارلا یاناشی معلومونوز اولسون کی، جمعیت عذولریله علاقه ساخلاماق مسئله سی بیزلریده دوشوندورمه یه بیلمز. دوغرودور ئوتن کنفرانسدان بری زتقاتالا، شاماخی رایونلاریندا فرقه تشکیلاتلاری برپا ایدیلرک، اونلارین فعالیت گوسترمه سی ایچون رهبرلیکدن گنج نسلین داها ایشگوزار نماینده لرینه کومکلیک اولونماسی خواهش ایدیلمیشدیر. نیه تیمیز بودور کی، دیگر رایونلاریمیزدا دا تشکیلاتلارین برپا اولونماسی حیاتا کیچیریلسین. بوتون بو دییلنلرله یاناشی السیز – آیاقسیز یعنی گوجدن دوشموش قوجا یولداشلاری ائله جه ده خسته یولداشلاری وقتلی- وقتینده یوخلایا بیلمه میشیک. بونو هیچ موبالیغه سیز بیلمک لازمدیر کی، بونون ایچون ماددی وسایتیمیز یوخدور. آز مقداردا کمیته بیناسینین اوتاقلاریندا ایجاره یه ویریلمیش یر ایچون آلدیغیمیز کیرایه حقی ایله تشکیلاتی ایشلریمیزی بیر تحر گوره بیلمیشیک. امید ایدیریک کی، ینی سیچیله جک هیئت یعنی ترکیب بو نقسانلاری آرادان آپاریلماسی ایچون وار گوجو ایله چالیشاجاقدیر.

ایرانلی مهاجرلر جمعیتینین اجرائیه هیئتی.   

 

 

قطعنامه

ایرانلی مهاجرلر جمعیتینین ٥-جی کنفرانسی جمعیتین صدری امیرعلی لاهرودی یولداشین ٢- کنفرانس آراسیندا گورولن ایشلر باره ده معلوماتینی ایشیتدیک. (و یرلردن چیخیش و تکلیفلری نظره آلاراق)

معلومات اطرافیندا مذاکیره لری و تکلیفلرینظره آلاراق قرارا آلیر.

١ - ایکی کنفرانس آراسیندا گورولموش ایشلر باره ده لاهرودی یولداشین ویرمیش اولدوغو  معلومات کافی قیمتلندیریلرک تصدیق ایدیلسین.

٢ – بو مدت ایچریسینده جمعیتین و آذربایجان دمکرات فرقه سینین اینترنت سایتی آچیلمیشدیر. اینترنت سایتینین ٢٠٠٩- ٢٠١٣ – جو ایل تاریخه قدر فعالیتی گنیش و اطرافلی اولموشدور.یوزلرله مقاله سایتا یرلشدیریلمیشدیر. بونونلا آذربایجان دمکرات فرقه سینین مهاجرتده گوردویو ایشلر دنیا مقیاسیندا ئوز عکسینی تاپمیشدیر. ایکی کنفرانس آراسیندا «آذربایجان» قزئتی نشر اولونماغا باشلادی، همین قزئت اینترنت واسیطه سیله یاییلیر. بوندان باشقا اینترنت واسیطه سیله  رادیو ایله هفته ده ١ ساعت ویریلیش آپاریلمیشدیر.

کنفرانس گورولن ایشلری کافی قیمتلندیریر، ینی سیچیلمیش شورایا و اجرا کمته سینه تاپشیریر.

١- جمعیتین مطبوعات بولمه سینه:

أ‌)                  قزئت نشرینه گنیش یر ویریلسین

ب‌)              اینترنت فعالیتینه دوامیت آرتیریلسین

ت‌)             امکان اولدوقجا کتاب نشرینه دقت آرتیریلسین

٢ – مهاجرلرله علاقه بولمه سینه تاپشیریلسین:

أ‌)                  مهاجر و اونلارین یاشلی اولادلارینین سیاحیسینی ترتیب ایتمه یه دقت ینیریلسین

ب‌)             مهاجرلر جمعیتینین سیرالارینین آرتماسی باره ده تدبیر گورولسون

ت‌)             مهاجرلرین فعاللاشماسی ایچون اوپیراتیو تدبیرلر پلانی حاضرلانسین و اجتماعی ایشه ینی آداملار جلب ایدیلسین

٣ یولداشلارلا علاقه نی بیر داها آرتیرماق ایچون رایونلاردا کمیته لرین برپاسی مسئله سینه دقت آرتیریلسین 

Go Back

Comment