آذربایجان رسپوبلیکاسینین پرزیدنتی
الهام علی یف جنابلارینا
محترم جناب پرزیدنت
اروپا اولمپیا کمیته سینین ٤١- جی باش آسامبلیاسینین مستقل آذربایجان رسپوبلیکاسینین پایتاختی باکی شهرینده ١ اروپا اویونلارینین کچیریلمه سی باره ده قرارینین قبولوندان ٢ ایل ٦ آی ئوتور. کمیته سچیمینیائدرکن رگیونون لیدر دولتی سایلان آذربایجانین صورتلی انکشافینی، ثابت دولت اولماسینی، دنیا بیلیینده کی موقعینی، چوخسایلی بین الخلق یاریشلاری یوکسک سویه ده کئچیرمه تجربه سینی، ادمانچیلاریمیزین دقت چکن اوغورلارینی و دیگر مثبت جهتلری اساس گوتوروب.
ئولکه داخلینده مینلرله کیلومتر مسافه قط ائدن، هر بولگه ده یوکسک احوال روحیه ایله قارشیلانان معشل ایندی پایتاختادیر. لاکین ایندیدن دئیه بیله ریک کی، اودلار یوردو بشر تاریخینه محتشم حادثه کیمی یازیلاجاق بین الخلق ایدمان تدبیرینه تام حاضیردیر. امینلییمیز شرقده دمکراتیانین بشیگی ساییلان، ئوزونون بشری کیفیتلری ایله سچیلن ئولکه یه سیزین کیمی دونیه وی ایمیجه مالیک سیاستچینین، دولت خادیمینین رهبرلیک ائتمه سیندن، آذربایجانیبن بیرینجی خانیمی، یونسکونون خوش مراملی صفیری مهربان خانم علی یوانین صدری اولدوغو تشکیلات کمیته سینین ئوهده سینه دوشن وظیفه لری واختیندا و نمونه وی شکیلده یرینه یتیرمه سیندن قایناقلانیر.
اروپا اویونلاری خلقین، رسپوبلیکانین تکجه بیر قطه نین دئیل، بوتون دنیانین قارشیسیندا ایمته هاندیر. قیسا مدت ارضینده باش وئرنلر اونون داواملی پروسه سه چوریلمه سینین تمیناتچیسی اولمالیدیر. آذربایجانین مالیک اولدوغو پوتنسیال، ئولکه یه هر گون مینلرله ایدمانچینین، معدیا تمثیلچیسینین، مسافرین تشریف گتیرمه سی، هر بیرینین راحاتلیغی و فعالیتی ایچون یارادیلان هر طرفلی شرایط اونا ایلک آفینا اولمپیاداسیندان سونراکی طالعی- اوزون مدتلی فاصیله نی یاشاتمایاجاقدیر.
محترم جناب پرزیدنت،
«ایرانلی مهاجرلر جمعیتی » اجتماعی بیرلییی و اونون چوخسایلی عضولری اروپا اویونلارینین بو سوورن دولته اعتبار اولونماسینی الک گوندن عدالتلی، منطیقی سئچیم کیمی دییرلندیریرلر. بو، بوتوولوکده ئولکه نین، خالقین، اونون رهبرینین غلبه سیدیر. چونکی اروپا اولمپیا کمیته سینه ده آذربایجان تورپاقلارینین ٢٠% قدرینین ایشغالا معروض قالماسی، بیر میلیونا یاخین اینسانین دوغما وطنینده کی یورد- یوواسیندان دیدرگین سالینماسی، ایشغالچیلار طرفیندن آتشکسین معتمادی پوزولماسی یاخشی معلومدور. ایندیه دک محاربه وضعیتینده اولان هر هانسی دولته بو سایاق معتبر ایدمان تدبیرینه ائو صاحیبلیگی هواله ائدیلمه ییب. کمیته ایسه آذربایجانا اوستونلوک وئریب. بیز بونو اولو ئوندر حیدر علی یوین تملینی یاراتدیغی، سیزین طرفینیزدن دوام و انکشاف ائتدیریلن صلح سئور سیاستین منتیقی نتیجه سی ساییریق.
بویوک ایفتخار حسی ایله بیلدیریریک کی، بو اوغورلار آذربایجاندا فعالیت گوسترن «ایرانلی مهاجرلر جمعیتی» اجتماعی بیرلییینی، قورومون رسپوبلیکانین اکثر شهر و بولگه لرینده مسکونلاشان چوخسایلی عضولرینی ده قلبن سئویندیریر. بونون دا جدی اساسلاری وار.
ایرانلی مهاجرلر جمعیتی سیرالاریندا «٢١ آذر» حرکاتیندان ایندییه دک آذربایجانا مهاجرت ائدن اینسانلاری کونوللولوک اساسیندا بیرلشدیرن اجتماعی تشکیلاتدیر. اودلار یوردونو دوغما وطن کیمی سئون جمعیت عضولری اونون ترکیب حسسه سینه چئوریلیبلر. مهریبانلیق و قایغی مهتینده یاشایان بو اینسانلارین علم، تحصیل، مدنیت صاحه لرینده، قوروجولوق ایشلرینده قازاندیقلاری نایلیتلر، لایق گوردوکلری اوردن، مدال، فخری آدلار بونون باریز نمونه لریدیر. سئویندیریجی حالدیر کی، رسپوبلیکادا و اونون حدودلاریندان کناردا کچیریلن معتبر یاریشلاردا فخری کورسویه دوت اولونانلار سیراسیندا ایرانلی مهاجرلر جمعیتی عضولری، اونلارین اولادلاری دا واردیر.
محترم جناب پرزیدنت،
بیز بئله حساس محیتده یاشادیغیمیزدان، آذربایجان جمعیتینین ترکیب حصه سی سایلدیغیمیزدان ایندی بوتون دقت و حیاجانیمیز تزلیکله ستارت گوتوره جک یاریشلاردا ایدمانچیلاریمیزین گوستره جکلری نتیجه لره یونلدیب. اینانیریق کی، بوتون نوولرده اونلارین فخری کورسویه دوت اولونمالارینا شهدلیک ائده جک و غلبه لرینی آلقیشلایاجاغیق.
محترم جناب پرزیدنت،
«ایرانلی مهاجرلر جمعیتی » اجتماعی بیرلییی سیزه بو مناسبتله ئونجه دن تبریکلرینی و خوش دویغولارینی یتیرمکدن ممنونلوق دویور.
صمیمی حرمتله،
رحیم حسین زاده،
«ایرانلی مهاجرلر جمعیتی » اجتماعی بیرلییینین صدری
