آرخیو‌دن تانیلان “ ٢١ آذر” مدا‌لی
حیات یولداشیم زینب موسی زاده جبار قیزی، الیازما‌لاریمی، کتاب آرخیویمی آراشدیرارکن نئچه ایللردی آختاردیغیم مدا‌لی تاپیر. آرخیو‌دن تانیلان نئچه ایللرین حسرتیندن سارالمیش، سولموش “٢١ آذر مدا‌لی و وثیقه سی. وثیقنی آچیب سولوخموش یازیلاری اوخویوروق.
جبار موسی اوغلو موسی زاده ١٩٤٥-جی ایل تاریخده وئریلیب. “آذربایجان ملی حکومتینی اله گتیرمکده شرکت ائتمه سینه گؤره آذربایجان مجلیسی، آذربایجان مجلیسی ملی طرفیندن “٢١ آذر” مدا‌لی ایله طلتیف اولونوب.
آذربایجان مجلس ملیسینین رئیسی شبستری.
آذربایجان مجلسی ملیسینین کاتیبی م. ویلایی.
آرخیو‌دن تاپیلان بو دمیر مدالین رنگینی ایللر دییشیب. آنجاق بو مدالا اولان محبت هئچ واخت دییشمه ییب. وطنینین، آذربایجانین آزادلیغی اوغروندا دوغما ائل، اوباسیندان اوزاق دوشسه ده، جبار موسی زاده هئچ واخت سارسیلماییب. زینب خانیم دانیشیردی: موسی زاده آناخانیم ٤ اوشاقلا (بیر نئچه آیدان سونرا) آتامین آرخاسینجا گلیب. فدائی دسته لری گنجه ده و شمکیرده یئرلشدیگیندن اونو گنجه ده تاپیب. سونرا عائله‌میزی شمکیرده (شمکیر) تزه کندده یئرلشدیریبلر.
آتامین خاطره لریندن جنوبی آذربایجاندا ملی حکومت قورولاندا من فدائی ایدیم. (یعنی سلاحلی عسگر) بیر ییغینجاقدا مرتجع قوه لردن اولان بیر نفرین میرقاسم چشم آذری وورماق ایستدیگینی گؤردوم. او آتش آچمازدان قاباق من اونو ووردوم.
میرقاسیم چشم آذر تبریز فدائی دسته لرینین کومئندانتی ایدی. (١٠١٢١٩٤٥- ١٩٤٦ جی ایللر). هم ده س.ج. پیشه ورینین کؤمکچیسی، رادیو کومیته سینین صدری ایدی. یقین کی، بو ایگیدلیگیمی نظره آلیبلار.
بو تایا مهاجرت ائتدیک‌دن سونرا میرقاسم چشم آذر ایله اوزون مدت عائله وی دوستلوق ائتدیک. زینب خانیم آتاسینین خاطره لریندن دانیشیردی:
فدائی دسته لری گنجه ده و شمکیرده تعلیملر کئچیردیلر. گئری قاییتماق اوچون س.ج پیشه وری نامعلوم ماشین قضاسینا سالیناندان سونرا عائله میز شمکیرده ، سونرا ایسه باکیدا مسکونلاشیب. آتامین عائله سی بؤیوک اولدوغوندان اونا کمک مقصدیله آذربایجان حکومتی بیر اوشاغینی موسکوایا ایوانوف شهرینه بین الخلق اینترنات مکتبینه گؤندریبلر. او دا منیم بختیمه دوشوب. اورتا تحصیلیمی روس دیلینده آلمیشام. تحصیلیمی باشا ووراندان سونرا باکییا دولت اونیورسیتتینه فیلولوگیا فاکولته سینه قبول اولموشام. اونیورسیتتی بیتیرمیشم. 1992- جی ایلین مای آییندا بیزه نصیب اولونوب کی، وطنه گئدیب آتامین دوغما اوجاغینی گؤرک. قونشولارلا گؤروشدوک.
آتاما بو گون قسمت اولماسا دا اؤز حیتیندن تورپاق دا گتیردیک. بیلجه ریده دفن اولونموش قبرینین اوزتونه سپدیک.
چتین و کشمه- کشلی بیر حیات یاشاساق دا بو گون آرخیو‌دن تاپدیغیم “٢١ آذر” مدا‌لی بیزیم و بوتون فدائی عائله لرینین فخر ائتدیگی بیر مدالدیر. اونو قورویوب ساخلایاجاییق. خلقیمین گله‌جک گون‌لری اوچون.
تاریئل اومید
٢٠١٨ جی ایل
